07/11/2021 - 10:50 AM
بقلم منى حسن
بيقولوا عليها
نغشه وفرفوشه
وعليها ضحكه تخلى النجوم مروشه
بهدوءها ونبره صوتها وطفولتها
تدب وحالا عاوزه فى لحظتها
بيقولوا عليها
هى الصبح نور ,صباحو جميل
تملاه ايجابيه وضحك لحد ما الخد يميل
بيقولوا عليها
يومها مليان زى كل الايام
يوم مطبات ويوم جنان
وناس رايحه وناس جايه
وناس عاوزه ضحكه وحكايه
وناس تانيه حالتها حاله
بيقولوا عليها
همها هموم الناس وايد تطبطب شدتهم
وفرحتها راحتهم وضحكتهم
بيقولوا عليها ملاك
حب قلبها يلم بلاد
بودها هى تهيم وتغرق
هى مين بفيضانها تنسي
بيقولوا عليها
الشمس فى شروقها وساعه غروبها
تناجى وتناغى وتغطس فى دروبها
وتناغش النجوم بنور هلالها وقمرها
وهى عارفه تانى
حاتعمل فيهم ايه ضحكتها..
مصريه
Comments