من خواطرى

بقلم منى حسن

جدال وحوار وكلام على مقالتى "حلو الكلام امر من السحر"

"حلو الكلام امر من السحر" مقالة بتتكلم عن كلام وافعال بتكون بطبيعية شديدة جدا ومتفاعلة فى الوقت اللحظى للموقف!

وبيكون كلام مليان وعود وشعور وحب وانفعالات وحاجات كتيرة اوى، كتير من الناس بتقع فريسة له لانه هوا سخن وبيدخلو فى حالة من العلاقات اللى نهايتها بتكون صعبة جدا، لانه بيكون فيه طرف من الاطراف مش امين فى تعاملاته وله اهداف..

كتابتى للمقالة من رؤيتى واحداث ابعادها كتيرة جدا، ولكن وجهة نظرى مختلفة عن المقاله ومعظم الآراء والكلام والجدل اللى حصل بسبب المقالة..

من وجهة نظرى بشوف ان الظروف ساعات بتحط البنى ادم فى مواقف بتخليه بيتصرف بطريقة بتظهره انه مش كويس

والظروف دى طبعا لو دخل الباب ده بتتوالى احداثها وكل حاجة بتحصل حواليها بتكون تقريبا سلبية وفبتالى انعكاساتها عليه سلبية، فتكوينه هو بيتغير بتغير الاحداث لانه بيضطر يتفاعل معاها ، وفى نفس الوقت بتكون بنسبة كبيره ضد شخصه وشخصيته، لكن الظروف اللى بتكون حطته جواه نفسه ممكن تكون ظروف اى ان كان هى ايه، بتكون ضغوط جامدة جدا انها دفعته لحاجات كتيرة اوى أدت ان يكون تصرفاته للخروج من مواقفه او من طريقة حياته اللى مليانة ضغوط تكون بصعوبه ويكون رد فعلها السيء هو الشخص ده!

بس ده مايمنعش ولا يلغى انه لازم يكون برضه سوي فى تصرفاته ومعاملاته لانه ماينفعش ان يكون مثلا بنى ادم محترم ولطيف ولكن فى نفس الوقت يكون مش امين وغدار! صعب شخصية البنى ادم انها تتاثر اوى بالظروف حتى لو كانت ظروف قاسية، لان الشخصية هى شخصيته هو.. انما طريقة الحياة واسلوبها والتعاملات والمواقف واكيد الاخلاق وهى الحالة العصبيه حتكون موجودة وبتتغير ودى ممكن يبقى لها تاثير، انما حاجات تانيه زى مثلا الغدر والندالة ونكران الجميل وقلة الاصل وممكن حاجات تانية ماعرفش بالضبط من هذا القبيل

الظروف مابتغيروش انه يبقى حاجة كده بل بالعكس، البنى ادم اللى عنده اصل وبنى ادم محترم حتى لو دخل جوه الظروف بيبقى فى العادى حليم ودوه مابيتأثرش، ممتن لاى بنى ادم وقف معاه ويبقى دايما شاكر حتى بينه وبين نفسه وبطريقتة في معاملته معاه..

انطباعاته دايما بتبان فى التعامل فى الكلام فى السؤال، وانه مابيتباعدش بل بالعكس بيتقارب.. بالود والعشم والامتنان!

 فى الحالات العاطفيىة بتبقى ابشع واقوى واعمق لان البنى ادم اللى بيحب مهما كانت الظروف صعبة مهما كانت الحياة مليانة، دايما بيكون هو النور والسند فى الحياة ودايما فيه نكهة معينة فى التعامل وفى الحب ده ساعات كتير بيدوب فيه الوجع والالم والضغوط وابشع المواقف زى الموت زى خسارة شغل زى المرض زى فقدان عزيز، الحب بيهون لانه اصلا علاج؛

ترجمة الاحساس سلاح ذو حدين، لان فيه ناس عطاءها ممكن استقباله بيكون كإن البنى ادم مش عارف ازاى يتعامل او يكون مردوده له فيبقى مخنوق، وفيه بنى ادم تانى بياخده ومش حاسس بقيمته باعتبار انه موجود، وفيه بنى ادم تانى بياخده ويقدره ويبقى حاطه فى مكانة عنده..

التلات اشخاص دول كمثل: كل واحد فيهم لو مر بظروف قاسية كل واحد حايكون له طريقة رد وتعامل و رد فعل فى الحياة ومع الناس اللى حواليه

اكيد التلاتة حايتغيروا تحت تاثير ظرف قاهر او ظروف صعبة ولكن المردود وانطباعاتهم هو اللى بيكون واضح فى تعاملاتهم، زى اللى هو حاطط اللى مد له ايده او اللى وقف جنبه او اللى بيحبه بقى فى مكانة معينة فى تعاملاته، والباقيين حايكونوا اشخاص مى مكانه غير واكيد معظمهم فيهم شيىء من الانانية، والانانية احيانا بتعمى لان كله بيبقى عنده مصالح لنفسه ولو كان في حوجه فأكيد بتبقى مصلحته اهم.

فيه شخصيتين كمان اللى هو بتهرب من مواجهة ان حد يكون كويس او حد بيمد له ايده فهو بيرفض التعامل ده لانه بيكون حساس لدرجة انه مش عارف ازاى هو يرد جميل اللى واخد باله منه فبيبقى رد فعله عكسي مش كويس

والشخصية التانيه هى اصلا بتكون كده شخصية وصولية انتهازية مايفرقش معاها ماعندهاش قلب شخصيه بيتعامل بعنجهية فاكرة نفسها تقدر تعمل اى حاجة فى الدنيا شخصية اللى يديلها حاجة تاخدها ماتشكرش اللى يقول لها حاجة تسمع وماتردش شخصية ناكرة، بس ده منهم كتير دلوقتى فى الحياه

الخمس شخصيات فيه اشكال كتيرة طبعا تانية لكن دول خمسة اساسيين كانوا فى الجدال او الجدل عن المقالة السابقة..

انا اتكلمت عن اشخاص او شخصية فى العموم واتفرقت لخمسة او اتفنطت لخمسة

انا مصممة على رأى ان دايما الظروف مع البنى ادم السوى اللى عنده اصل اللى فاهم اللى واعى والواقعى ان الظروف بتلعب بحياته وممكن تاثر على طريقة تعامله وممكن توصله لوجهة ان يبقى وجهته مفهومة غلط ومهزوزة!

واعتبره ضحيه ظروف ومحتاج كل مسانده وفهم .. ولكن

فيه مشكلة تانية ان نفس الشخص ده افكاره دايما مشوشة مابيقاش شايف الصح من الغلط مابيبقاش شايف المفيد من الغير مفيد مايبقاش شايف الحاجة المفروض تكون واللى مش المفروض تكون، لانه بتكون ضغوطه دى مأثره على ثقته بنفسه او حياته وانه بيحاول يبتدى مع ذاته يبنى نفسه تانى ويلملم أفكاره ومهم في الأوقات دى لازم يبقى حد معاه سوي حتى من بعد ينور له بصيرته ويوضح الصح والغلط مش لمصلحه حد تكون بالحق للمسانده والعطاء والأمان لترجع الثقه والنور تانى لحياته.   الظروف بتلعب دور فى حياة البنى ادمين وبتهد ناس وبتبنى ناس وفيه ناس بتروح، بس اساس البنى ادم بيلعب دور جامد جدا فى وقفته فى مواجهة الظروف دى، علشان كده مهم اوى مراجعة الظروف والنفس واللى حواليه والاحداث يا يحاول يصلحها يا يصلح من نفسه، يا يتمسك باللى حواليه اللى هما يقدروا يقفوا جنبه لانه فى الحالات اللى زى كده لوحده مش حايقدر!

قليل اوى من البشر دلوقتى بيمد ايده لحد وحتى لو اتمد ايده لحد اول حد بيكون نفس اللى ساعده بيدور ظهره له..

الظروف الصعبة بتبين معادن الناس فالبنى ادم اللى معدنه كويس لو انقاد للظروف حايبقى شكله وحش وحياخد وقت طويل على مايرجع نفس لمعة معدنه تانى

الطريق الاسلم انك تبقى نفسك ماتخليش الظروف هي تتحكم فيك او حد يتدخل فى حياتك حياه شريكك، البنى ادم باصله مش بجيبه البنى ادم يقدر يرجع يكون بنى ادم لو هو حب .. لانه حيخاف على حبه ويحميه ، مش حايكون ضعيف او عنده عدم امان وثقه..

حب بمعنى عاوز ان يصلح من نفسه ويصلح من غلطاته ويراجعها..

حكمى ان البنى ادمين دايما ماحدش يقدر يعرف ظروفهم ايه بجد وايه اللى يوصلهم للدرجة دى وايه اللى يخليهم انهم يوصلو ويبقوا بالسوء ده،

يعنى انا ماصدقش ان البنى ادم يكون حلو الكلام، ويكون مر فى افعاله وتصرفاته مع احبابه، لان البنى ادم اللى بيحب بيبقى وفي القلب، واللى بيقول وبس ماعندوش قلب!

ده مقياس لكل حاجه في تعاملات الحياه سواء شغل تعامل عيشه حب الخ

وجوايا كلام بفكر اسرع، من كتره مش قادره اخطه على الورق!

كتير افكر لو حكمى او تحليلى فيه ظلم او غلط وان من تجارب الحياه دى فيها وجهات نظر تانيه متكلمناش فيها، وان هما ولا وجهه نظرى صح..

عموما

كلامى تعميم بحب لكل حاجة فى الدنيا لانى باعتقد الحب هو السر لتيسير مجرى التعاملات وان الحب ده مفتاح الحياة ..

فهو ده حلو الحياة

مصريه

Share

Comments

Add your comment