الرئيسية

مقالات وآراء

بساطه مصريتنا - من خواطرى

06/16/2024 - 09:06 AM

بقلم: منى حسن

مصر حاترجع كويسه بينا، بشعبها

لازم نكون إيجابيين ونرجع لمصريتتا،

وطريقه حياتنا باسلوبها المميز ولغتنا المصريه الجميلة!

سواء بشهامتنا وضحكتنا حتى بنكتنا على حالنا، وطول عمرنا قادرين على التكيف.

مصر جميله فيها كل مقومات بلد لتكون ساحره،

غنيه باثارها، نيلها، بصحرائها،شواطئ بحريينها، وناسها..

زمان سعادتنا كانت ان مش شاغلين بالنا لا بسياسه ولا غيره، ولا احنا محللين ولا سياسيين ولا اقتصاديين ولا نقاد لما يدور حولنا..

كانت حياتنا بتدور على عيشتنا واهلنا وعاداتنا وأصحابنا..

اتغيرنا وللأسف نسينا نفسنا ننجرف مع كل حدث بيجرى وزودنا همومنا لنجارى تطور التنكولوچيا، والطبقات اندمجت ودأبت جوه بعضها، وداب معاها الاحترام والأصول ..

مصر جميله ، هى بيتك هى سماك هى ارضك، هى سكينتك،

مهم تحس بإيجابيه وانتماء لان ده قوه فى حد ذاتها ..

السلبيات موجوده فى كل البلاد بطرق متفاوته ، لكن شعبنا مش حاتلاقي زيه!!

أكيد المرحله اللى بنمر بيها صعبه على الكل وغير اى وقت، ولكن لازم يكون عندنا يقين بإيجابيه ان كله حايتحسن..

يمكن الجو مع تغيرات المناخيه هى تكون صعبه التنبؤ بيها

لكن

ماتفكرش امتى، لكن بيقين انه حايحصل احسن !!

ارجع لطبيعه حياتك، ماتتداخلش فى ما يجرى!!، لانها دهاليز ومتاهه!

حاتشغل بالك بالى مالكش فيه..

عيش ببساطه، واعرف ان دوام الحال من المحال لاى ان كان حايكون!!

الضحكه المنسيه حاول ترجعها

الجندعنه والشهامه اغلب المصلحه بيها