كتب: أحمد عبدالفتاح *

إنك تكون صاحب قلب جامد ومشاعرك متبلده، أو إنك تكون إنسان آسي وبتتصرف بالطريقة اللي تأذي وتجرح بها كل الناس اللي حواليك، أو تكون بخيل في إحساسك وبخيل في كلامك الحلو اللي ممكن تجبر بيه خاطر حد، من أسوء ما يكون!!

الإنسان اللي يمتلك كل الصفات السيئة، مكروه من كل اللي حواليه، وبالتالي فالكل بيبعد عنه، أما أصحاب القلوب الطيبة اللينه اللي بيقدّروا ظروف غيرهم، اللي بكلامهم البسيط العذب بيداوا القلوب المكسورة ويرمموها من الآوجاع، ناس الحب بالنسبه لها في لحظة ما بتقرب من حد مستنى منك سنده وقت ضعف؛ فتقويه.

في مقولة بتقول: "من يحمل الحب في قلبه، يحمل الخير لكل البشر"

فبالحب نرتقي ونعلو في الآفاق، مُحلّقين بقلوب مطمئنة مستبشره بمستقبل جميل مليئ بالخير والسعادة.

مايا إبراهيم

تحدثت مع الفنانة والشاعرة اللبنانية، مايا إبراهيم، صاحبة الحس المرهف والإحساس الصادق، لنعرف منها فلسفتها في الحب، قالت: إذا كان ولا بدّ تحبّ، ما تعطي القلب كلّو تفاديًا للأوجاع خلّيلك عالقليلة ربع وأعطي التلات أرباع، اضرب حساب الراجعه بين العاطفة الكبيرة اللي عبّيتا وبين الصدمات، هالقلب ما بيعود يحمل نزاع ولا بيعود يْساع، بيصير متل الكبّاية بحالة الإشباع، وبما إنّو الحبّ لا بينشرى ولا بينباع خلّيك مذكّر إذا أعطيت كتير من حصصك صعب كتير الإسترجاع، قماشة الحبّ كتير حلوة بس ما بتنعطى كلّا، خلّي للخيّاط كم دراع.

وفي الحقيقة الكلام ده بيأكد على قناعات لابد من تبنيها بشكل مطلق، إنك تعمل حساب التغير المفاجئ في علاقتك بالطرف الآخر في أي وقت لأن القلوب لها حال التغيير، ممكن قلوب تحبك في طرفة عين تنتزعك، وقلوب تكرهك فتتبدل حالها لحب شديد تجاهك؛ فالقلوب تُقلّب بين يد الله كما يشاء.

أن كل وجع مررنا به جاءنا من المبالغة والإفراط في إظهار الحب، لأن في ناس في حياتنا مابتعرفش تقدر مشاعرك الصادقة ولا بتعرف تصدقك الحب.

التوازن سمت كل شيء في الوجود؛ فالعلاقات علشان تستمر لازم تقوم على التوازن والتبادل في كل شيء؛ فإذا زاد الشيء عن حده انقلب إلى ضده، لحد ما تختل الكفه، وينهار كل شئ.

أمّا القناعة الآخيرة، إن العلاقة اللي بتتطلب منّك تنازلات مستمرة وعطاء مستمر؛ فبتبقى علاقة سيئة ومُستغِله قولاً واحدا، ولا يمكن إن نبرر وجود مشاعر أو عواطف أو أي شعارات أخرى عن الصبر والتحمل وآمال بتغيير الآخر، علشان العلاقات اللي فيها طرف بيستغل التاني عُمرها قليل، علاقة قايمه على المصلحة بمجرد ما بتنتهي بينتهي معاها كل شئ!

*باحث في العلاقات الإنسانية

Share

Comments

Add your comment