03/25/2023 - 12:47 PM
أحمد عبدالفتاح
في ناس وقت الغضب عندهم القدرة إنهم يدوسوا على كل حاجة حلوة مرة ما بينهم، مع أول مشكلة بيهدوا سنين العِشرة والذكريات، وفجأة بيتحوّلوا لناس تانية كأنهم أعداء، ناس بتعاير وبتجرح وبتنكر عطائك ومعروفك ولا كإن كان في بينكو علاقة استمرت لفترة طويلة ده حتى حق العيش والملح بيداس، وكُل دا ليه؟ عشان بس اِختلفتو مرة !!
للأسف خِلاف واحد كان كفيل يبينلك معدن الشخص اللي قُدامك ذي لما بنحب نعرف المعدن الحقيقي من الزيف من الخبيث بنقربه من النار.
علشان كده أنا مش بحب اتعامل مع الناس اللي وقت المشكلة والزعل تلاقي منهم قسوة وفُجر في خصومتهم، ناس بدمر كل شئ وبتخسر كل شئ لحبهم المريض لذاتهم.
لا خير في شخص منافق إذا خاصم فجر وده مصداقا لقول النبي محمد (ص) حينما قال: "آيات المنافق ثلاث منها إذا خاصم فجر"، أو كما قال عمر بن الخطاب: "الشهم في الود شهم في الخصومة؛ لا خير في امريءٍ إذا خاصم فجر."
**صوت من القلب لـ أحمد عبدالفتاح: مواقف وأحداث إجتماعية بالعاميه، بنسبة ١٠٠٪ هتلاقي نفسك في واحده منهم.
Comments