دلال موسى - بعلبك *

وطن مسروق :

داسوا علينا

وما في حدا

إلاّ نوجع راسو

هيدا الوطن مسروق

باعوا الشعب بالسوق

وشو عيب لمّا هالوطن

بيخون حرّاسو

وشو عيب لمّا هالشعب

مقطوع إنفاسو

وشو عيب نقبل بالمتل :

لمّا غلب كف الظلمْ

وراق المخدّي :

وشو ليل

شو يعني قمر

لمّا أنا وحدي

وشو حبّ

وشو يعني سهر

ع وراق المخدّي

رح قوم إحرق

هالوترْ

مليّت من كِترْ الضجر

رح إسند كتاف الشعر

رح صير عكازو

ورح كون ع طول الدهر

لمعات إنجازو

وحدنْ قلام إللي إرتكو

عا نهدتو فازو

ووحدن حروف اللي بكو

بمحبرة إيجازو

ظلو على طول الزمن

إنسان :

بالشعر ما في مملكه وسلطانْ

وما في أميرة متوجه

بتاج الإنسْ والجانْ

الشعر مملكة السما

بيروت وبعلبك :

شو بحب إني صرّح بحبكْ

بتوقع سما عالأرضْ

وبيروت تركض عالجرد

مشوار :

إي وهيكْ بعد ال هيكْ

في إسرارْ

إيدك بإيدي

التلج صار النارْ

عينك بعيني

الليل أحلى نهارْ

إي هيكْ يلاّ

بلّشْ المشوار.

*شاعرة لبنانية

Share

Comments

Add your comment