دعوات كتيرة من قداسة البابا لصانعي السلام بلبنان، وهيدا حق ورجاء للجميع. بس المشكلة متشعّبة كتير. فالراغبين بصنع السلام، يا قداسة البابا كتار، لكنّن مهدّدين من كلّ حدب وصوب. لما الإنسان يجوع ويصير مهدّد باستقراره ومستقبله بصير:

- المؤمن بحاجة لرضى السلطة،

- الأهل بحاجة لرضى المؤسسات التربوية،

- الشباب بحاجة لرضى أرباب المال وانظمة عمل مستبدة،

- المواطن بحاجة لرضى الزعماء...

أكيد، مش كل المؤمنين ولا كل الأهل ولا كل الشباب ولا كل المواطنين عم يشتغلوا للعدل والسلام...

لكن كمان، مش كل أصحاب السلطة، بكتير مواقع تربوية واجتماعية واقتصادية وسياسية وكنسية، بيسمعوا ولا بيسمحوا بالتغيير.

يمكن أوقات عسرعة التحولات والتطورات، ويمكن أوقات عن بعض الجهل، ويمكن بسبب تقديم المصالح الشخصية أو الفئويّة على الخير العام، ويمكن أوقات عن فساد وظلم مقصود.

صناعة السلام يا قداسة البابا بدها كمان صناعة العدل من فوق مش من تحت، لأن يللي تحت بيستشهدوا كرمال القضية بس ما بغير شي.

أوقات السلام يا قداسة البابا بدو تغيير من فوق من رأس الهرم....

ولو كل حدا بيقدر يسمع لضميرو، أو يقرا أخطاؤو، كان غيّر لوحدو، أو تعاون مع مستشارين أو... استقال...

* الخوري إدغار الهيبي... مرجع في الأخلاقيات ومؤسس "جمعية جنين"

يُعدّ الخوري البروفسور إدغار الهيبي من أبرز الوجوه الفكرية في الكنيسة المارونية، وهو أستاذ في علم الأخلاقيات في جامعة القديس يوسف في بيروت، ومحاضر في قضايا القيم والمواطنة والكرامة الإنسانية. يشغل منصب الأمين العام للمجلس الراعوي الأبرشي في نيابة صربا، ويُعرف بإسهاماته اللاهوتية والثقافية، فضلًا عن كونه مؤسس "جمعية جنين" التي تُعنى بالحياة والخصوبة. له كتابات ودراسات متعددة، ويُعتبر مرجعًا في مجاله داخل الأوساط الكنسية والأكاديمية.