12/03/2025 - 13:08 PM
الخوري فادي سميا
لأن لحظة النور مرقت بسرعة، وشعلت فينا شوق لبلد بيستحق يعيش بالسلام والعدالة اللي سمعناهن منّو.
يوم رحيل البابا، حسّبّنا قديش نحنا عطشانين لكلمة صادقة، لصوت بيحكي باسم الإنسان، لجسر بيوحّد بدل ما يفرّق.
وكان بهالزيارة لمحة من لبنان اللي منعرفو… لبنان اللي اشتقّنا نشوفو.
لمّا طارت طيّارة البابا، حسّينا إنو نحنا نتركنا مرّة جديدة مع وجعنا،
مع فئة من الحكّام وتبّاعن بعدن عايشين بشريعة غاب،
بس كمان نتركنا مع رسالة:
إذا هالبلد بدّو يشفى… لازم كل واحد فينا يصير نقطة نور، مهما كانت صغيرة.
الحزن طبيعي…
بس الأخطر إنّو نسمح للحزن يطفي الشي الحلو اللي اشتعل فينا هالأيام.
خلّونا نخلي الزيارة بداية مش نهاية.
ونحوّل اللحظة لالتزام…
ووجع القلب للصلاة…
والحنين لقوّة تغيّر الواقع.
Comments