12/13/2023 - 09:59 AM
ادمون الشدياق
البلد محتل من حزب الله وهو مسيطر على النظام والمؤسسات ونحنا عم نشارك بانتخابات بهيدي الدولة ونترأس لجان بهالدولة وعم منطالب برئيس بهالدولة!!!
عم منطالب برئيس نحنا عارفين لح بيكون صوري ( لو خلوه يجي ) اكثر شي بيقدر يعمله انه يعترض على الوضع بدون اي امل حدن يسمعله بدولة الجيش فيها بينسق مع الحزب اذا بدو يفوت على الحمام.
جيش بدولة مستسلمة لحزب الله ومعترفة انه هوي الامر الناهي باكثرية او بدون اكثرية بلسان رئيس الوزراء، يعني رئيس السلطة التنفيذية بهالدولة المرتة المهترية.
ومنتظرين الفرج من نظام عالمي ما بيتحرك الا ليحكي مع القوي والمسيطر على الدولة ولو كان حزب الله وبالتالي النظام الايراني المحتل. ونحنا نازلين ترقيع بطريقة مرضية مستوهمة بمستقبل حرية نحنا ما بدنا ندفع ثمنه بلكي الله بيحلها وبيجي بدون اي ثمن.
ما في استقلال بالعالم اجا لوحده بدون ثمن وبدون صراع وتضحيات ونقطة انطلاق بمسيرة التحرير والتحرر.
لو الاحزاب يلي بتقول انها سيادية من دروز ومسيحيين وسنة وبعض الشيعة الأحرار بيعلنوا العصيان المدني وبينتخبوا وزارة استقلال من كل الفئات ويبدأوا بادارة مدنية للمنطقة الحرة بيكونو وبموقف واحد انتزعوا من حزب الله نصف لبنان اذا مش اكثر وبعدها بيذهبوا الى المجتمع الدولي للمؤازرة وهني ( اي المجتمع الدولي ) بيصنفو حزب الله وأتباعه بالارهاب عندها وبس تهز الاحزاب السيادية مؤخرتها ويتركوا ذميتهم وتقاعصهم لح يجبرو المجتمع الدولي على موأزرتهم بسب تصنيف هذا المجتمع لحزب الله بالارهابي والا سيكونوا محرجين لدى ناخبيهم ومحتمعهم.
حتى ولو أصبح لدينا ١٢٨ نائب وبري يقفل المجلس ساعة يلي بدو ونحن منطبطبله لح بيضل صوتنا صوت بلا فائدة وصوت صارخ في البرية بلا صدى.
العصيان المدني هو الموقف يلي يمكن أن يمهد لتحرير لبنان ولكن هل احزابنا وقوانا وتياراتنا التي تدعي السيادة قابلة ان تتخلى عن انانياتها وحساباتها الشخصية والحزبية والمناطقية من أجل قضيتها ومن احل لبنان هذا هو السؤال الأساس.
صوتنا عم بيروح لنواب في برلمان بري وحزب الله في دولة حزب الله... لنأخذ بلدنا من ايدي جماعة الإرهاب وايران وكلابهم بموقف سيادي واحد غير مشرزم لنخلص بلدنا والا كل ما نفعل هوي هباء ومضيعة للوقت وخنوع لسلطة المحتل.
Comments