بقلم منى حسن*

مراحل الحياه وفكر الواحد واحتياجاته بتتغير وتقل مع كل سنه بتعدى...

فى سن الشباب الاحساس بالحياه عالى جدا والشغف بيها وانه مايضيعش وقته فى المسؤليه، فيها الخروج والاصحاب والاحلام واستكشافات دروب الحياه وبس.. وفى نفس الوقت الضياع والحسره والرغبات من اللى عاوزه ومش عارف يحققه لضيق امكانياته، وغيره من ضغوط الشباب فى هذا الزمن وكل الازمان لها ضغوطها..

وبعده يجى الارتباط والحياه الحقيقيه والطاحونه ومفاجأه المسؤليه، ودخوله فى دوره مختلفه خالص عن سينينوه اللى عدت.. 

ويبدء فى مرحله تانيه، وابواب من الحياه مختلفه تتفتح ويعشها، ورحله وسباق لتوفير حياه مريحه والحياه الماديه تغلب على اسلوب طابع حياته.

وتعتبر دى اطول مرحله عمريه فى رحلته، ومنها وفيها يكتسب خبراته وعلاقاته ومادياته، واسلوب حياته يتطوّر ومحاوله دائمه لاثبات ذاته وكيانه، وكل ده يتبلور على اساس نشأته وثقافته وبيئته، وناتجةُ من يكون من مكانه او عطاء. 

المراحل اللى بيمر بيها الانسان وهى سنين عمره المحسوبه بالفعل، ماهى الا لحظات فى تاريخه الفعلى.. وفعليا بنظره وادراك ماهى الا تفاعلات حسيه مع مواقف واختيارات ناتجها يتحدد به مساراته فى الحياه.. 

امبارح هو ماضى عايش فى حاضره، ومستقبله هو الحاضر، بمعنى ان امبارح والحاضر والمستقبل هو لحظه حياته الفعلية..

وان مقياس الزمن فى مرحلتين من الحياه يقاس بالقوه البدنيه وهى تتوافق ايضا مع جسمه وصحته، وطاقته الخفية ومثابرته هى التى تتحكم فى كل هذه المنظومه وتمدها بالاستمراريه والحاجه للوصول لمراده..

ويبدء عند مرحله سنيه اخرى وهى تنقسم الى مرحلتين، المرحله الاولى منها بدايه غربله المرحلتين، وهى الشباب والمسؤليه، وفي نفس الوقت التشبث بيهم لاعتقاده انهم المناسب له، متناسي التشبيه وادراك العقل بان ما يريده اسبق من مايستطيع فعله الان، وذلك للاستهلاك الطبيعى للجسم من الطاقه اللى معدلها يبدء فى الهدوء، ويبحث عن مايتناسب مع راحته ونظره استمتاعه للحياه تتغير وتأخذ مأخذ الحكمه والتروي مع الوقت والنضوج، وطبعا ده يتوقف على خبراته المكتسبه طوال رحلته.. 

وهى مرحله دائما صعبه لانها نهايه مرحله الشباب وبدايه مرحله تمهيديه، وكمان طالباته واحتياجاته بتقل وتتغربل للمرحله الاخيره التى يبدء يرى فيها الحياه بالعين المجرده ويسردها فى لحظات، واخرها تنهى بنهايه فى اقل من الثانيه.. 

في نظري رحلة الحياة بسيطة عقدها البشر بعدم فهم الاخر وانانيه الانا.. ونظرته للمواكبه بالاحتياج والمهابره والجاه والسلطة والتكنولوجيا .

وهي لاخر لحظة...

*مصرية

Share

Comments

Add your comment