03/05/2021 - 11:13 AM
بقلم : منى حسن
الكذب والخداع والكلام المعسول اسهل وسيله للنصب للتأثير على المشاعر!!
من سلبيات هذه الشخصيه تاثيره على ضحاياه, وتدميرهم بطرق معنويه لتملكهم لامداد ذاته بالقوه والسيطره..
وده فى حد ذاته قمه الضعف والنقص فى ثقته بنفسه وشخصيته.
دراسته للشخصيه او الفريسه دارسه عميقه ومابتاخدش كتير لفراسته و خبراته المتعدده بالشخصيات.
يتعامل بسلاسه وطبيعيه ويدوس على الزراير من بعيد وبطبيعيه.. ايضاحاته صريحه لكن مغلفه كاذبه .. اقنعه متعدده على حسب المواقف والاشخاص!
حياء كاذب ممكن يكون امنيه لكن مايعرفش الصراحه بصحيح لان متلون.
كلامه هوا سخن تموت فيه وتنبهر وتصدق صدق الكلام وتأمن بيه ومع الوقت او انت بتتدور تلاقيه اتبخر ولا كأن كان فيه كلام..
تعاملات مضلله كالزئبق ماتعرفش تتوه فى عالم الحيقيقه والخيال, الجدعنه والشهامه كلام فعلها للمزاج والوصول لغايه مش بجد ..
العادى بتاعه اللباقه واحتواء المواقف حتى لو اظهر اعتراض فى الاخر, وده لعدم الخساره لاحتمال الاستفاده بعدين! ياخدك على الهادى يعنى!
لو بدء يظهر وينكشف ينقلب لندل وقله اصل بطرق مختلفه منها رمى الغلط علي الاخر بقسوه وخسه علشان يتلهى ومايحسيش بنصبه وشخصيته المفضوحه وطبعا يختفى فى ثانيه كانه ماكان.
شخصيه ونموذج من نماذج شخصيات فى الحياه من حظك الوحش ان تمر بتجربه مريره وقاسيه مع الشخصيات دى, الواضح ان البيئه والظروف والطباع بتشكل البنى الادم وان بيستغل قدراته للاستفاده يا بالخير يا الشر..
فى الاحداث اللى زى دى الوجع او مردود التجربه بيكون كافى وان الفكر والتساؤلات بيكون من غير ردود فيها منطق, والحالات دى ماتشغلش بالك بجوه قلوبِ الناس ولا تدور لان لو شغلت نفسك بالتدوير عما فى قلب كل واحد, حاتتعب وعمر ما حاتعرف حقيقه ولا نيه اللى ادامه حتى لو تخيل انه قرب من الحقيقه, لان ممكن يكون كله مبنى على غش او مصلحه او نيه مش معلومه فيتعب حاله ونفسه ونفسيته ويضيع وقت وكتير ممكن صحته وعمره فى انه بيدور على حقيقه مش موجوده او مكتوبه, وان فى الاخر كله باذن ربنا, وهو اعلم بالنيات ونفوس البشر وهو من اراد بالتعامل بالموده والرحمه مابين البشر وليس باللى فى قلوبهم …
الانسان مليان عيوب وحاجات كويسه فمن الاصح نحاول نعيش بما تملى بيه نفوسنا, الا لو انجرحنا او مالقيناش اسباب مقنعه من نفوس افكارها مشتته او مضغوطه او حكمها غلط عموما او عليك او فى المواقف وعلى الامور وتقيمها!!
ودايما الاسباب كتير والمبررات اكتر وده فى اكتر الاحيان تتوه البصيره تختلط الامور و متعبه للنفس!
حكم الانسان هنا دنيوى وكمان اثبات ان النفوس البشريه غير سويه فى الافعال وردود الافعال واحترام الذات وحفظ الكرامه ومراجعه النفس وتفهم ظروف بمصالحه مع النفس والتسامح والعطاء بدون مردود ولاغى الانانيه ..
وده للغير ولنفسه..
والنيه ليها انطباع كمان سواء بالحسنى او بالخبث والسوء واحيانا ما تضمره لو عن غير قصد ممكن يوذى او يسعد بنى آدم!!
ويتوقف ايضا درجه مصالحتك مع نفسك ومع دخولك لربنا بربنا فيه راحه النفس والصفاء بمسامحه, وكله بركه الله وهو لعموم الظروف والبشر
ومنهم لربهم بشر القلوب الملونه بالاقنعه الخادعه الكاذبه المدركه وغير مدركه لاذيه الانسان|!
“النفوس بيوت أصحابها، فإذا طرقتموها فاطرقوها برفق” ~
مصريه
20.10.2020
ماريونيت..
يا نهارى على النصاب
دحلب قلبها بكلمه
سلب حياتها بنظره
محى وجعها بضحكه
كمل عليها وقال قلبه
احتال عليها ومحاه بحروف
وأل هيه ظروف
واتارى الغنا بالكلام طُعم
للغير واحد واتنين
واربع وسته وزواده
تسليه وقت وأل انتى فى القلب
قلب ايه بس, ده نسي بجد
هى القلب!
دهاليز من غير نور
قلب شبك من غير دم
شبكو دايب زى كلامه
كلامه هوا سخن فى وقته
وبعده مين انتى.. ومنسيه
مع كل رنه,
دقه مهويه بَلفها يوري
واتارى لعب الخيوط ده فن
ماريونيت هوب وهوب
وهوب قطع الخيوط و فَل
راح لاتنين وسته وذواده
لتسليه وقت وانتى إللى فى القلب
من هوا الكلام دموع سالت بحرقه
حرقت قلب جواه ماله نهايه حب
واوقات كانت كلها مليانه فرحه
املها هو, وفكرها هو اميرها كان
شافت واتمنت وسافرت الاحلام
لحد ما بان النيات بنور
ان الحياه والود فى خبر كان
وخلص الكلام غدر هز الكيان
فتحت عيونها استغربت !!
صحيت من حلمها
موجوعه ودموعها لسه دافيه
كانه كان حقيقه
ولكن هو ما كان..
شعر وخواطر
Comments