العصفور

10/03/2016 - 19:32 PM

 

بقلم الشاعر جوزف موسى

 

مره حملت عدة الصياده

ب دير القمر ونزلت عالوادي

مطرح ما قالتلي الشمس بينت

متل البنت عا تختها الهادي

الا ومرق عصفور وتمكنت

 ازرع جناحو  خردق رمادي

ولما وقع طيب قبالي وكنت

عم اخنقوا تا ريحو زياده

قللي انت شرع البراءه خنت

باصر الدم بنومك وغادي

قلتلو اعذرني وعدت البنت

اخدك عالبيت زوادي

قلي انا فرحة ولادي

وانت لو كان عندك قلب مش مفروض

تطعم ولادك فرحة ولادي…

 ..حملتو ونقلتو من الشمس عالفي

وبلشت حلمسلو عا منقادو

ونقيتلو الخردق شوي شوي

تا يصح مش تا اكسر عنادو

ورشيت عا جرحو شوية مي

تا يفرفش ويرجع على بلادو

قلي انا بي وشفت شي بي

بيقبل يموت ويترك ولادو...؟

.ونام عا صدري ووعي وتا يفش

خلقو عا مهلو دشر سريرو

وقلو يا ربي الجرح عم بينش

بالك عليي من السما ديرو

بالعش عا ولادي الدموع برش

وعم يكبرو وقدي رح يصيرو

يا رب ينشلو بقلب العش

ولا يقوسوهن بعد ما يطيرو …

وفل وبعد ما قال هالكلمات 

Share

Comments

There are no comments for this article yet. Be the first to comment now!

Add your comment